Bagong orchid hybrid sa Singapore ipinangalan kay PBBM at First Lady Liza Marcos
Ipinangalan kina Pangulong Ferdinand Marcos Jr. at First Lady Louise Araneta Marcos ang bagong orchid hybrid sa Singapore.
Bumisita si Marcos at ang unang ginang sa National Orchid Garden sa Singapore sa ikalawang araw ng kanilang State Visit sa lugar.
Ang bagyong orchid na dendrobium ay pinangalanang “Ferdinand Louise Marcos”.
Inilarawan ang bagong orchid hybrid bilang “robust and free-flowering,” na nagbibigay ng semi-arching inflorescences na may sukat na 50 hanggang 70 centimeters.
Ang inflorescences ay mayroong 20 hanggang 30 bulaklak.
Tradisyon na sa Singapore na ipangalan ang kanilang orchids sa mga bumibisitang foreign dignitaries bilang pagpapakita ng goodwill at friendship. (DDC)
