Mahigit 500 tricycle driver sa QC nakatanggap ng fuel subsidy

Nakatanggap ng fuel subsidy ang 556 na tricycle driver na mula sa District 6 ng Quezon City.

Ang mga fleet cards ay ibinahagi bilang tugon sa tumataas na presyo ng produktong petrolyo.

Personal na ipinamahagi ni Mayor Joy Belmonte ang mga fleet cards na naglalaman ng P1,000 fuel voucher para sa isang buwan.

Maaari itong magamit sa hanggang P400 halaga ng gasolina sa isang araw.

Naisakatuparan ang programa sa pamamagitan ng City Ordinance SP 3100 S-2022 na naglalayong mabigyan ng fuel subsidy ang mga may prangkisang tricycle for hire sa Lungsod Quezon. (DDC)