Senate panel nagpalabas ng subpoena kay ES Rodriguez para padaluhin ito sa pagdinig sa sugar importation

Nagpalabas ng subpoena ang Senate Blue Ribbon Committee upang ipatawag sa pagdinig si Executive Secretary Vic Rodriguez.

Ang komite ay nagsasagawa ng imbestigasyon kaugnay sa anomalya sa pag-aangkat ng asukal, gayunman, hindi dumalo si Rodriguez sa pagdinig ngayong Martes (Sept. 6).

Dahil dito, naghain ng mosyon si Senator Risa Hontiveros upang ipa-subpoena si Rodriguez upang maobliga itong dumalo sa pagdinig.

Ayon kay committee chairman Sen. Francis Tolentino, sa idinaos na executive session ay 11 miyembro ng komite ang bumoto para sa pagpapalabas ng subpeona kay Rodriguez, 3 ang hindi pumabor at 3 ang nag-abstain.

Sinabi ni Tolentino na sa sandaling malagdaan ng Senate President ay agad isisilbi ang subpoena kay Rodriguez. (DDC)