Nasawi sa malakas na lindol sa China umakyat na sa 46
Umakyat na sa 46 ang bilang ng nasawi sa malakas na lindol na naganap sa southwestern China.
Tumama ang magnitude 6.6 na lindol sa 43 kilometers southeast ng Kangding City sa Sichuan Province.
Ayon sa US Geological Survey, 10 kilometers ang lalim ng pagyanig.
Sa ulat ng Chinese state broadcaster na CCTV, 17 ang nasawi sa Ya’an City habang mayroon pang 26 na nasawi sa Ganzi Prefecture.
Nakapagtala din ng 16 na nawawala at 50 ang nasugatan.
Kabilang sa naapektuhan ng malakas na pagyanig ang Chengdu kung saan nakasailalim sa istriktong lockdown ang milyun-milyong mga residente dahil sa pandemya ng COVID-19. (DDC)
