EDSA Busway station kinabitan ng solar panels

Naikabit na ng EDSA Busway Team ng Department of Transportation (DOTr) at ang tatlong set ng solar panels sa istasyon ng Busway sa Roxas Boulevard.

Ang tatlong set ng solar panels ay may power rating na 455 watts na makakatulong sa pagpapailaw ng kahabaan ng nasabing istasyon.

Bukod sa pagiging environment-friendly, makakatipid din sa monthly electric cost ang paggamit ng mga solar-powered lights.

Ayon sa DOTr, ang mga solar panels ay donasyon mula sa Boysen Philippines.

Sa ngayon, pinagaaralan na rin kung posibleng maipatupad ang paggamit ng solar panels sa iba pang istasyon ng EDSA Busway. (DDC)