Dalawa patay sa magkahiwalay na insidente ng pamamaril sa Montalban, Rizal

Dalawa ang nasawi sa insidente ng pamamaril sa bayan ng Montalban sa lalawigan ng Rizal.

Sa ulat ng Calabarzon Police Office, nangyari ang pamamaril sa Barangay San Jose.

Sa inisyal na imbestigasyon, nakikipag-inuman ang biktimang si Rez Leonor, Miyerkules (Aug. 31) ng gabi nang siya ay pagbabarilin ng hindi nakilalang suspek.

Dead on the spot si Leonor habang nakatakas naman ang suspek.

Sa hiwalay na insidente sa Barangay Macabud, patay matapos pagbabarilin ng hindi nakilalang suspek ang biktimang si Nemencio Timonera.

Lulan ng kaniyang motorsiklo si Timonera nang siya ay tambangan.

Patuloy pa ang imbestigasyon ng pulisya sa dalawang insidente ng pamamaril. (DDC)