3 mangingisda nailigtas sa Cavite matapos tumaob ang sinasakyang bangka

Rumesponde ang mga tauhan ng Philippine Coast Guard (PCG) San Nicholas Shoal sa makaraang tumaob ang sinasakyan nilang motorbanca.

Kinilala ang mga nailigtas na sina Joel Dela Cruz Dimano Jr., 45 anyos; Alexander Bababel, 44 anyos at Joshua Morallos, 22 anyos na pawang residente ng Mariveles, Bataan.

Nakatanggap ng report ang PCG Station Manila mula sa PCG District NCR-Central Luzon hinggil sa insidente.

Ang tatlong mangingisda ay iniligtas ng dumaraang cargo vessel na MV Ever Pride matapos makitang sila ay palutang-lutang sa dagat.

Agad ipinadala sa lugar ang BRP Malabrigo (MRRV-4402) para makuha ang mga mangingisda.

Isinailalim sila sa pagsusuri ng PCG Medical Service at maayos naman ang kanilang kondisyon.

Sa inisyal na imbestigasyon, nakaranas ng problema sa makina ang kanilang bangka.

Lumala pa ang sitwasyon dahil sa malakas na hangin at malaking alon.

Dinala na ang tatlo sa Cunanan Wharf sa Maynila. (DDC)