Petsa ng pagdaraos ng 2022 Bar Examinations itinakda na ng SC

Itinakda na ng Korte Suprema ang mga petsa para sa idaraos na 2022 Bar Examinations.

Sa Bar Bulletin na inilabas ng SC, ang 2022 Bar examinations ay gaganapin sa November 9 (Miyerkules), November 13 (Linggo), November 16 (Miyerkules), at November 20 (Linggo).

Ayon kay 2022 Bar Examinations Chair Associate Justice Alfredo Benjamin Caguioa, patuloy na gagamitin ang “Examplify” na secured examination delivery program na ginamit din noong nagdaang Bar Exams.

Ang mga examinees ay gagamit ng sarili nilang devices sa kanilang preferred venue habang masusing binabantayan ng in-person proctors.

Mayroon ding CCTV cameras sa mga exam rooms.

Gagawing available ang access sa computer-based testing software para sa mga aprubadong Bar Exams applicants.

Magpapalabas din ang SC ng hiwalay na Bar Bulletin na naglalaman ng instructions sa paggamit at pag-navigate ng Examplify. (DDC)