DOH muling nagpaalala sa mga biyahero hinggil sa One Health Pass

Pinaalalahanan ng Department of Health (DOH) at ng Office of the Press Secretary ang mga biyahero na dumarating sa Pilipinas hinggil sa paggamit ng One Health Pass (OHP).

Ayon sa abiso ng DOH, mayroon lamang isang One Health Pass ang Bureau of Quarantine na maaaring i-access nang mga biyahero nang walang karampatang sisingilin na kabayaran.

Paalala ng DOH, ang opisyal na website ng One Health Pass ay ang http://www.onehealthpass.com.ph

Batay sa pinaiiral na protocol ng World Health Organization (WHO) kontra COVID-19, inilunsad ng BOQ ang OHP para sa mga international travelers.

Paalala ng DOH sa publiko, maging mapagmatyag at huwag magpapaloko sa mga gumagamit ng OHP upang kumita ng pera. (DDC)