Operasyon ng Consular Office ng DFA sa Ilocos Norte at Isabela sinuspinde dahil sa sama ng panahon

Nasuspinde ang operasyon ng consular offices ng Department of Foreign Affairs (DFA) sa San Nicolas, Ilocos Norte at Santiago, Isabela ngayong araw ng Martes (Aug. 23) dahil sa sama ng panahon na dulot ng bagyong Florita.

Ayon sa DFA, nagsuspinde ng pasok sa mga tanggapan ng gobyerno ang mga LGU na nakasasakop sa dalawang consular office.

Ang mga apektadong passport applicants na naka-schedule ngayong araw sa dalawang CO ay makatatanggap ng email para impormahan sila sa bago nilang schedule.

Maaari din silang magpadala ng email sa CO San Nicolas sa sannicolas.co@dfa.gov.ph at sa CO Santiago sa santiago.co@dfa.gov.ph kung mayroong concern o katanungan. (DDC)