Deployable response group ng Coast Guard inihanda na para sa mga lugar na apektado ng Bagyong Florita
Nakahanda na ang Deployable response groups (DRGs) ng Philippine Coast Guard (PCG) District Northwestern Luzon, para umasiste sa mga lugar na tatamaan ng severe tropical storm Florita.
Ang bawat DRG ay binubuo ng mga medical personnel, divers, at rescuers.
Nainspeksyon na rin ang mga search and rescue (SAR) assets at equipment para agad na makatulong sa LGU sa paglikas o pagsagip ng mga residente sa kasagsagan ng sama ng panahon.
Maliban sa Northern Luzon ay nakaalerto na din ang DRG at quick response teams (QRTs) ng Coast Guard sa Bicol para rumesponde sa mga lugar na maaapektuhan ng bagyo. (DDC)
