Presyo ng diesel at kerosene tataas ng mahigit P2 kada litro
May malakihan na namang pagtaas sa presyo ng produktong petrolyo ang mga kumpanya ng langis.
Ito ay makaraan ang ilang sunod na linggo na pagpapatupad ng rollback sa presyo ng produktong petrolyo.
Sa abiso ng mga kumpanya, tataas ng P2.60 ang presyo ng kada lito ng diesel.
Tataas din ng P2.80 ang presyo ng kada litro ng kerosene habang 70 centavos naman ang dagdag sa presyo ng kada litro ng gasolina.
Ang taas presyo ay epektibo bukas araw ng Martes, August 23. (DDC)
