Balik-Eskwela kits ipinamahagi sa mga estudyanteng pasaheroo ng MRT-3

Namahagi ang pamunuan ng MRT-3 ng Balik-Eskwela Kits sa mga estudyanteng pasahero ngayong unang araw ng face-to-face classes, Agosto 22, 2022.

Ayon kay MRT-3 General Manager Engr. Federico J. Canar, Jr. ang pamamahagi ng Balik-Eskwela Kits para sa mga estuydanteng pasahero ay munting paraan ng pamunuan ng MRT-3 upang maipakita ang suporta sa mga kabataan sa pagbubukas ng klase.

Nakapaloob sa Balik-Eskwela Kits ang facemask, alcohol, tissue at ballpen.

Tatagal ang pamamahagi ng Balik-Eskwela Kits hanggang Biyernes, ika-26 ng Agosto para sa mga estudyanteng sasakay sa mga istasyon ng North Avenue, Cubao, Shaw Boulevard, Ayala, at Taft Avenue.

Samantala, makatatanggap ng 20% fare discount ang mga estudyante sa pagbili ng Single Journey Ticket (SJT) sa mga ticketing booth sa istasyon.

Kailangan lamang na iprisinta ang anuman sa kanilang valid student ID o orihinal na enrolment/registration form. (DDC)