August 19 deklaradong holiday sa Quezon City
Idineklarang special non-working holiday sa Quezon City ang araw ng Biyernes, August 19, 2022.
Sa bisa ng Republic Act No. 6741, walang pasok sa lungsod sa nasabing petsa bilang paggunita sa ika-144 na kaarawan ni dating Pangulong Manuel Luis Quezon.
Ayon sa Quezon City LGU, sakop ng deklarasyon ang lahat ng pampubliko at pribadong opisina sa buong lungsod.
Walang ding klase ang mga mag-aaral.
Mananatili namang may pasok ang mga nasa essential services gaya ng law enforcement, traffic management, fire protection, health and rescue, at disaster response and management. (DDC)
