23,000 na pulis ipakakalat sa pagbubukas ng klase sa Lunes
Aabot sa 23,000 na mga pulis ang ipakakalat sa iba’t ibang bahagi ng bansa sa pagbubukas ng klase sa Lunes, August 22, 2022.
Ayon kay Philippine National Police (PNP) spokesperson Police Col. Jean Fajardo, itatalaga ang mga pulis sa bisinidad ng mga paaralan at sa mga assistance desks.
Sa Laging Handa briefing, sinabi ni Fajardo na ilalagay ang mga assistance desks sa lugar na madaling malapitan ng mga estudyante at mga magulang kung sila ay mayroong concern o problema.
Simula noong July ay inumpisahan na ng PNP ang koordinasyon sa mga school administrators at mga ahensya ng gobyerno kaugnay sa pagbubukas ng klase. (DDC)
