Cebu Dancing Inmates muling inilunsad
Muling inilunsad ng Cebu Provincial Detention and Rehabilitation Center (CPDRC) ang tanyag na “Cebu Dancing Inmates”.
Dumalo si Cebu Gov. Gwendolyn Garcia sa aktibidad para sa relaunch na bahagi ng selebrasyon ng ika-453 na founding anniversary ng probinsya.
Sa isinagawang aktibidad, pinasalamatan ni Garcia ang mga bilanggo sa kanilang determinasyon na ipagpatuloy ang pagsasagawa ng dance show.
Sa pagsasayaw ng mga inmate sa relaunch ay bumuhos ang malakas na ulan, subalit nagpatuoy ang mga preso sa pagsasayaw.
Noong 2007 ay nag-viral ang Cebu Dancing Inmates sa kanilang pagsayaw ng “Thriller”. (DDC)
