DOH nakapagtala na ng kaso ng Omicron BA.2.75 sa bansa
Kinumpirma ng Department of Health (DOH) na mayroon nang naitalang kaso ng Omicron BA.2.75 sa bansa.
Sa press briefing, sinabi ni DOH officer-in-charge Maria, Rosario Vergeire na dalawang katao mula sa Region 6 ang nagpositibo sa nasabing variant.
Isa sa kanila ay fully vaccinated habang ang isa ay hindi pa bakunado kontra COVID-19.
Sa ngayon inaalam pa ng DOH ang travel history ng dalawa at kanilang exposure.
Kapwa naman naka-recover na sa sakit ang dalawang pasyente ayon kay Vergeire. (DDC)
