Serbisyo ng PLDT at Smart sa mga lugar na naapektuhan ng lindol, naibalik na
Naibalik na ng PLDT at Smart ang network sa lahat ng mga lugar na naapektuhan ng magnitude 7.0 na lindol sa Northern Luzon.
Ayon sa pahayag ng PLDT-Smart, bagaman fully restored na ang kanilang serbisyo, maaring sa ibang lugar ay makaranas pa rin ng problema lalo na sa mga lugar na hindi pa naibabalik ang suplay ng kuryente.
Samantala, sinabi naman ng Globe na nananatiling fully operational ang kanilang network matapos ang pagtama ng malakas na lindol.
Una nang iniutos ng National Telecommunications Commission (NTC) sa mga telco na madaliin ang pagbabalik ng kanilang serbisyo. (DDC)
