BREAKING:Magnitude 5.9 na lindol tumama sa Davao Occidental

Niyanig ng magnitude 5.9 na lindol ang lalawigan ng Davao Occidental.

Ang pagyanig ay naitala ng Phivolcs sa layong 207 kilometers Southeast ng Sarangani, alas 3:18 ng hapon ng Miyerkules, Sept. 9.

May lalim na 10 kilometers ang pagyanig at tectonic ang origin nito.

Ayon sa Phivolcs wala namang naitalang intensties sa pagyanig.

Hindi rin ito inaasahang magdudulot ng pinsala.

Ang naturang pagyanig ay unang itinala ng Phivolcs na magnitude 6.3 pero kalaunan ay ibinaba sa magnitude 5.9.

Samantala, alas 4:51 ng hapon ay nakapagtala na ng magnitude 4.1 na aftershock.

Ang sentro ng pagyanig ay naitala sa 244 kilometers southeast ng bayan ng Sarangani. (END)