Bilang ng aftershocks na naitala sa Abra umabot na sa 1,071

Umakyat na sa 1,071 ang naitalang aftershocks ng Phivolcs matapos ang magnitude 7.0 na lindol na tumama sa Abra.

Ayon sa datos ng Phivolcs, ang nasabing bilang ay hanggang alas 10:00 ng umaga ngayong Biyernes (July 29).

Kaninang 12:36 ng madaling araw nakapagtala ang Phivolcs ng magnitude 4.6 na aftershock sa Peñarrubia, Abra.

Sinundan pa ito ng magnitude 4.2 na aftershock sa Villaviciosa, Abra 1:16 ng madaling araw.

Una nang sinabi ng Phivolcs na maaaring umabot ng buwan ang mga mararanasang aftershocks. (DDC)