Vigan Cathedral pansamantalang isinara matapos magtamo ng pinsala dahil sa malakas na lindol

Isinara pansamantala ang Vigan Cathedral sa Ilocos Sur matapos magtamo ng pinsala dahil sa tumamang malakas na lindol.

Ayon kay Msgr. Gary Noel S. Formoso, Parish Priest, kailangan munang matiyak na ligtas gamitin ang simbahan para sa Eucharistic celebrations.

Naglagay na ng kurdon sa simbahan bilang abiso sa publiko na hindi muna itong maaaring mapasok.

Kita sa harapan ng simbahan ang pinsalang idinulot ng lindol.

Hiniling ngpamunuan ng cathedral sa publiko na ipagdasal ang mga naapektuhan ng malakas na lindol. (DDC)