19,536 na bagong kaso ng COVID-19 naitala ng DOH sa nakalipas na isang linggo
Nakapagtala ng 19,536 na bagong kaso ng COVID-19 sa bansa mula Jul. 18 hanggang Jul 24, 2022.
Ang datos ayon sa Department of Health (DOH) ay 33 percent na mas mataas kumpara sa naitalang mga bagong kaso noong July 11 hanggang July 17, 2022.
Ayon sa DOH, sa 19,536 na bagong mga kaso, 56 ang severe at critical cases.
Habang nakapagtala naman ng 42 dagdag na nasawi .
Samantala, iniulat din ng DOH na mayroon nang 71,546,355 na fully vaccinated individuals.
Umabot naman na sa 15,934,251 ang nakatanggap ng booster shots. (DDC)
