Economic recovery, pandemya at pagbabalik ng klase kabilang sa tatalakayin ni Pangulong Marcos sa kaniyang SONA

Inaasahang sesentro sa economic recovery, pandemya at pagbabalik ng klase ang unang State of the Nation Address ni Pangulong Ferdinand “Bongbong” Marcos Jr.

Sa kaniyang unang SONA ilalatag ni Marcos ang plano ng kaniyang pamahalaan sa susunod na 12 buwan o unang taon niya sa puwesto.

Magaganap ang SONA mamayang hapon sa Batasang Pambansa.

Ayon kay Executive Sec. Vic Rodriguez, si Marcos mismo ang sumulat ng kaniyang talumpati.

Inaasahan din ani Rodriguez na mababanggit ng pangulo ang tungkol sa digitalization sa gobyerno. (DDC)