Tirso Cruz III pormal nang nanungkulan bilang FDCP chair
Pormal nang nanungkulan sa puwesto ang aktor na si Tirso Cruz III bilang chairperson ng Film Development Council of the Philippines (FDCP).
Ibinahagi sa Facebook page ng FDCP ang mga larawan ni Cruz sa unang araw niya sa puwesto.
Sa pagsisimula ni Cruz sa trabaho bilang FDCP chair, nagtapos naman ang panunungkulan ni Liza Diño.
Nagpasalamat si Diño sa suportang kaniyang natanggap sa panahon ng panunungkulan niya sa FDCP.
Tiniyak ni Diño na magpapatuloy ang kaniyang suporta sa bagong liderato ng FDCP para sa maayos na transition. (DDC)
