US Pres. Joe Biden nagpositibo sa COVID-19
Inanunsyo ni US President Joe Biden na nagpositibo siya sa COVID-19
Sa maiksing video ni Biden na naka-post sa kaniyang official Twitter account, sinabi niyang dalawang beses na siyang nakatanggap ng booster shot.
Makikita rin sa video na maayos ang kondisyon ng presidente.
Ayon sa 79 anyos na si Biden, nakararanas lamang siya ng mild na sintomas, at patuloy na nagtatrabaho kahit naka-isolate.
Sa pahayag naman ni US Press Secretary Karine Jean-Pierre, umiinom ng antiviral medicine na Paxlovid si Biden.
Patuloy din aniyang lalahok sa mga pulong si Biden sa pamamagitan ng telepono o via Zoom.
Si First Lady Jill Biden ay negatibo naman sa test. (DDC)
