P1.7B na halaga ng ayuda na hindi naipamahagi ng DSWD paiimbestigahan ni Tulfo

Paiimbestigahan ni Social Welfare Secretary Erwin Tulfo ang halos P2 bilyon halaga ng ayuda na bigong maipamahagi ng kagarawan.

Ito ay makaraang punahin ng Commission on Audit (COA) ang kabiguan ng DSWD na maipamahagi ang cash assistance sa ilalim ng Social Amelioration Program (SAP) ng pamahalaan.

Ayon kay Tulfo sa ilalim ng nagdaang pamunuan ng DSWD, mayroong P1.7 billion na halaga ng ayuda ang ibinalik sa Bureau of Treasury.

Nagtataka si Tulfo kung bakit hindi naipamahagi ang tulong gayong marami ang nagsasabing hindi sila nakatanggap ng ayuda. (DDC)