Cebu City Mayor Michael Rama nahalal bilang bagong presidente ng League of Cities in the Philippines
Si Cebu City Mayor Michael Rama ang magiging bagong presidente ng League of Cities in the Philippines (LCP).
Ito ay makaraan ang pagdaraos ng LCP elections sa Crowne Plaza Manila Galleria.
Sa kanilang Facebook pages, binati nina Cebu City Vice Mayor Raymond Alvin Garcia at Cebu City Councilor Joel Garganera si Rama.
Ayon kay Garganera, uncontested ang pagkakahalal kay Rama.
Sa kaniyang speech matapos ang eleksyon, nangako si Rama ng “unity” sa LCP at siniguro ang suporta sa national agenda ng kasalukuyang administrasyon. (DDC)
