Nakumpiskang lagari ibinigay ng BOC sa DENR

Ipinagkaloob ng Bureau of Customs (BOC) sa Department of Environment and Natural Resources CENRO Lipa ang nakumpiska nitong isang unit ng Husqvarna Chainsaw.

Tinanggap nina Primitivo A. Buagas at Flordeliza M. Olave ng DENR Lipa ang lagari mula sa Auction and Cargo Disposal Unit ng BOC.

Ang nasabing lagari ay nakumpiska sa shipment na dumating sa Port of Batangas noon pang June 2021 lulan ng MV ANDROUSA 123N.

Galing ng France at idineklarang personal effects ang kargamento.

Gayunman, sa physical examination may nakitang chainsaw sa kargamento na walang karampatang permit mula sa DENR.

Dahil dito ay nagpalabas ng Warrant of Seizure and Detention sa kargamento batay sa isinasaad ng Customs Modernization and Tariff Act. (DDC)