20 magagarang sasakyan isusubasta ng Customs
Isusubasta ng Bureau of Customs ang 20 smuggled na magagarang sasakyan na kanilang nakumpiska.
Tinatayang aabot sa P100 milyon ang halaga ng nasabing mga saskayan ayon kay Customs Deputy Commissioner Edward Dy Buco.
Sinabi ni Buco na inatasan na ng BOC ang Manila International Container Port upang madaliin ang valuation sa mga nakumpiskang luxury vehicles.
Ani Buco karamihan sa mga sasakyan ay brand new.
Noong nakaraang buwan, kumita ang Customs ng P20.8 million nang maibenta ang dalawang smuggled na sasakyan na 2006 Lamborghini Vin sa halagang P10.4 million at 2008 Ferrari Scuderia 430 sa halagang P10.5 million. (DDC)
