1,363 na bagong kaso ng COVID-19 naitala ng DOH

Umabot sa 1,363 ang naitalang bagong kaso ng COVID-19 sa bansa araw ng Martes, July 12.

Sa datos ng Department of Health (DOH), sa 1,363 na bagong kaso, 597 ay mula sa NCR.

Dahil dito ayon sa Department of Health (DOH), umakyat na sa 3,721,413 ang kabuuang kaso ng COVID-19 na naitatala sa bansa.

Tumaas din ang bilang ng mga aktibong kaso sa 14,464.

Ang kabuuang bilang ng gumaling ay umabot na sa 3,646,309. (DDC)