BSP nilinaw na wala silang bagong coin series na inilalabas

Walang bagong coin series na inilalabas ang Bangko Sentral ng Pilipinas (BSP).

Pahayag ito ng BSP matapos kumalat sa social media ang larawan ng mga barya na bahagi ng “Ang Bagong Lipunan” coin series na inilabas noon pang 1975.

Ayon sa BSP ang nasabing mga barya ay na-demonatize na noon pang 1998.

Sinabi ng BSP na ang New Generation Currency (NGC) ang latest legal tender coin series na inilabas ng BSP.

Kabilang sa NGC coin series ang 10-Piso, 5-Piso, 1-Piso, 25-Sentimo, 5-Sentimo, at 1-Sentimo na inilunsad noong March 2018.

At ang 20-Piso at ang enhanced 5-Piso na inilabas noong December 2019.

Paalala ng BSP sa publiko, beripikahin muna ang mga impormasyon na nakikita sa social media patungkol sa Philippine banknotes at coins. (DDC)