4 patay, 1 pa ang nawawala sa pagtaob ng bangka sa Bataan

Apat ang kumpirmadong nasawi habang isa pa ang nawawala nang tumaob ang isang fishing boat sa karagatan ng Bagac, Bataan.

Rumesponde ang mga tauhan ng Philippine Coast Guard (PCG) sa pagtaob ng F/bca “Gra Twin Sister” na may lulang 50 katao sa Barangay Saysain.

Agad nagsagawa ng Search and Rescue (SAR) ang PCG katuwang ang BRP Malabrigo.

Ayon sa PCG, nailigtas ang 45 sakay ng bangka, 4 ang nasawi habang 1 crew nito ang pinaghahanap pa.

Pinayuhan naman ng SAR team ng PCG ang mga lokal na mangingisda sa lugar na agad i-report sa Coast Guard kung sakaling makita nila ang nawawalang crew. (DDC)