Transition para sa bagong pamunuan ng DOTr handa na ayon kay Sec. Tugade

Tiniyak ni Transportation Sec. Arthur Tugade ang maayos na transition para sa magiging bagong kalihim ng Department of Transportation (DOTr).

Ayon kay Tugade, personal niyang kakilala si incoming DOTr Sec. Jimmy Bautista at matagal na silang magkaibigan.

“We must fully trust and support his decision for his success shall be the success of the Filipino people. I personally know my successor, Jimmy Bautista. We have long years of association and friendship,” ayon kay Tuagde.

Sinabi ni Tugade na malaking tulong sa DOTr ang professionalism, karanasa, dedikasyon at hard work ni Bautista.

Tiniyak din ni Tugade na handa siyang tulungan si Bautista sa mga pangangailangan nito.

Sa ngayon ay naghahanda na ang transition team ng DOTr para sa maayos na transition. (DDC)