LTO Extension Office sa Montalban pinasinayaan na

Pormal nang pinasinayaan ang LTO Extension Office sa Montalban, Rizal.

Ang LTO Extension Office ay matatagpuan sa Bona Bldg. Don Mariano Avenue sa Brgy. San Jose.

Dumalo sa pagbubukas ng LTO si Montalban Mayor-elect Gen. Ronnie Evangelista, Antipolo City Mayor-elect Jun Ynares at LTO Assistant Secretary Edgar C. Galvante.

Sa pormal pagbubukas ng LTO ay tatanggap na ito ng transaksyon sa publiko.

Ayon kay Evangelista, malaki ang maitutulong nito sa mga mamamayan ng Montalban dahil hindi na nila kailangang lumayo para sa kanilang mga transaksyon na may kinalaman sa ahensya.

“Kaya naman, ating hinihikayat ang lahat ng ating nga kababayan na ipa-rehistro na ang kanilang mga sasakyan o di kaya’y kumuha na ng kanilang mga lisensya bago magmaneho sa pampublikong kakalsadahan,” ayon kay Evangelista. (DDC)