Nasawi sa magnitude 6.1 na lindol sa Afghanistan umakyat na sa 1,000
Umakyat na sa 1,000 ang bilang ng nasawi sa magnitude 6.1 na lindol na tumama sa Afghanistan.
Maliban sa mga nasawi, nakapagtala pa ang mga otoridad ng mahigit 600 sugatan.
Ayon kay Interior ministry official Salahuddin Ayubi, posibleng madagdagan pa ang bilang ng mga nasawi dahil may mga nawawala pa na pinaniniwalaang natabunan sa mga gumuhong bahay.
Nakatakdang mag-deploy ng medical team at medical supplies ang UN Disaster Risk Reduction Office.
Ito na ang maituturing na deadliest earthquake na tumama sa Afghanistan mula noong 2002. (DDC)
