Calvin Abueva pinagmulta at pinatawan ng one-game suspension ng PBA
Pinagmulta at pinatawan ng suspensyon ng PBA si Magnolia forward Calvin Abueva matapos itong ma-eject sa laban ng koponan noong Linggo ng gabi sa Mall of Asia Arena.
Ayon sa PBA, P10,000 multa ang ipinataw kay Abueva at sinuspinde ito ng isang game.
Sinabi ng PBA na ang parusa ay dahil sa “unsportsmanlike conduct” ni Abueva sa laban ng Magnolia sa Barangay Ginebra Gin Kings.
Unang napatawan ng technical foul si Abueva sa 3rd quarter ng laban.
Pero muli itong tinawagan ng technical foul sa nalalabing 9 na minuto ng laban nang banggain si John Pinto.
Nakipagtalo pa si Abueva sa mga referee matapos ang naging pasya.
Ito ang unang pagkakataon na napatawan ng parusa ng PBA si Abueva simula nang makabalik siya sa liga matapos ang isang taong suspensyon sa kaniya. (DDC)
