Spokesperson ng ISIS nasawi sa operasyon sa Maguindanao
Napatay sa operasyon ng militar sa Maguindanao ang umano ay tagapagsalita ng Islamic State of Iraq and Syria – East Asia (ISIS-EA).
Ayon sa Armed Forces of the Philippines Western Mindanao Command (Wesmincom), isinagawa ang joint military operations sa Datu Saudi Ampatuan na nagresulta sa pagkasawi ni Abdulfatah Omar Alimuden, alyas Abu Huzaifah.
Sa pahayag ng AFP Westmincom, napatay sa operasyon si Abu Huzaifah na tagapagsalita ng ISIS-East Asia.
Maliban sa pagiging tagapagsalita ng ISIS-EA, si Abu Huzaifah ay siya ring namamahala sa financial transaction ng Daulah Islamiyah-Philippines. (DDC)
