Dalawang opisyal ng Pharmally nakalaya na matapos ang anim na buwan na pagkakakulong

Nakalaya na mula sa Pasay City Jail ang dalawang opisyal ng Pharmally Pharmaceutical Corporation na sina Mohit Dargani at Linconn Ong.

Ito ay matapos ang anim na buwan nilang pagkakakulong.

Ayon kay Bureau of Jail Management and Penology (BJMP) spokesperson Chief INsp. Xavier Solda, natanggap nila ang release order na may pirma ni Senate President Tito Sotto III dakong 8:00 ng umaga.

Nakulong ang dalawa matapos silang patawan ng contempt ng Senate Blue Ribbon Committee na nagsagawa ng pagdinig hinggil sa umano’y overpriced na COVID-19 supplies.

Nov. 2021 nang dalhin sila sa Pasay City Jail matapos na mabigong ilahad sa senado ang kinaroroonan ng mga doumento ng kumpanya na hinihingi ng komite. (DDC)