Hatol ng korte sa defamation case ni Johnny Depp kay Amber Heard inilabas na
Kapwa pinanagot ng korte ang dating mag-asawa na sina Johnny Depp at Amber Heard.
Sa hatol ng korte sa defamation case na isinampa ni Depp laban kay Heard, napatunayang guilty si Heard sa paninira laban sa aktor sa tatlong magkakahiwalay na insidente.
Dahil dito, inatasan si Heard na magbayad ng $10 million bilang compensaktory damages at $5 million na punitive damages kay Depp.
Inatasan naman si Depp na magbayad ng $2 million na compesatory damage kay Heard.
Sa kaniyang pahayag nagpasalamat si Depp sa hukom, court staff, sheriffs at sa kaniyang legal team.
Pinasalamatan din ni Depp ang mga nagpaabot ng suporta sa kaniya mula sa iba’t ibang panig ng mundo.
Nagpahayag naman ng pagkadismaya si Heard sa naging pasya ng korte. (DDC)
‘
