VP Robredo, mga anak nakabalik na sa bansa mula New York
Nakabalik na sa bansa si Vice President Leni Robredo kasama ang kaniyang mga anak matapos dumalo sa graduation ng bunsong si Jillian sa New York City.
Ayon kay Robredo, ito na ang pinakamahabang bakasyon niya sa nakalipas na sampung taon.
Humingi rin ng paumanhin si Robredo dahil marami ang nais na makipagkita sa kanila sa New York pero hindi lahat ay kanilang napagbigyan dahil hindi sapat ang oras.
Sinabi ni Robredo na sinulit niyang makasama ang kaniyang mga anak.
Dalawang linggo ang biyahe ng mag-iinang Robredo sa New York. (DDC)
