BREAKING: COVID-19 cases sa bansa 209,544 na; halos 4,000 ang nadagdag
Umakyat na sa 209,544 ang kaso ng COVID-19 sa bansa.
Ito ay makaraang makapagtala ng dagdag na 3,999 na kaso ang Department of Health (DOH).
Sa inilabas na case bulletin ng DOH ang mga dagdag na kaso ay mula sa resultang inilabas ng 101 mula sa 110 na operational laboratories sa bansa.
510 naman ang dagdag na gumaling sa sakit kaya umakyat na sa 134,474 ang total recoveries ng COVID-19 sa Pilipinas.
May naitala ding dagdag na 97 na nasawi.
Dahil dito, umakyat na sa 3,325 ang COVID-19 related deaths sa bansa.
