14 na estudyante patay sa pamamaril sa isang eskwelahan sa Texas

Nasawi ang labingapat na mag-aaral at isang guro makaraang mamaril ang isang 18-anyos na lalaki sa isang paaralan sa Texas.

Nangyari ang insidente sa Robb Elementary School sa Uvalde, Texas.

Sa inisyal na imbestigasyon, binaril muna ng suspek ang kaniyang lola bago nagtungo sa paaralan.

Nasawi din ang suspek matapos mabaril ng mga rumespondeng otoridad.

Itinuturing tong deadliest shooting sa isang paaralan sa Amerika simula noong 2012 kung saan naganap ang insidente ng pamamaril sa Sandy Hook Elementary.

Nagpaabot na ng pakikiramay si Texas Gov. Greg Abbott sa pamilya ng mga nasawi sa insidente.

Inilagay na din sa half-staff ang mga watawat sa buong Texas. (DDC)