PH boxing team nakakuha na ng tatlong gintong medalya sa ginaganap na SEA Games

(UPDATE) Napanatili ng Fillipino boxer na si Rogen Ladon ang titulo sa men’s 52kg nang talunin nito ang pambato ng Vietnam sa 31st Southeast Asian Games.

Ito ang kauna-unahang gintong medalya ng Pilipinas sa boksing sa idinadaos na SEA Games.

Tinalo ng 28 anyos na si Ladon ang kaniyang kalaban na si Thao Tran Van sa 3-2 split decision.

Samantala, nagwagi din ng gintong medalya si Pinoy Boxer Ian Clark Bautista.

Tinalo ni Bautistta ang pambato ng Myanmar na si Naing Latt sa Men’s 57kg Finals.

Samantala, naiuwi din ni Tokyo Olympic Bronze medalist Eumir Felix Marcial ang gintong medalya sa men’s 69kg – 75kg.

Natapos ang laban sa unang round pa lamang makaraang talunin ni Marcial ang pambato ng Timor Leste na si Delio Anzaqeci. (DDC)