Campaign manager ni BBM na si Benhur Abalos itatalaga bilang DILG chief
Si dating Metropolitan Manila Development Authority (MMDA) Benhur Abalos ang itatalaga bilang kalihim ng Department of the Interior and Local Government (DILG).
Ayon kay Atty. Vic Rodriguez, tagapagsalita ni presumptive president Ferdinand Marcos Jr., si Abalos ang hihirangin ni Marcos para pamunuan ang DILG at tinanggap naman ni Abalos ang hamon.
Sa ilalim ng administrasyon ni Pangulong Rodrigo Duterte ay nanilbihan si Abalos bilang MMDA chairman.
Gayunman, nagbitiw ito sa puwesto para magsilbing campaign manager ni Marcos. (DDC)
