Duterte admin bumuo na ng transition team

May nabuo nang transition committee ang Duterte administration para matiyak ang maayos na transition sa June 30.

Sa Talk to the People na umere Huwebes (May 12) ng umaga, sinabi ni Executive Sec. Salvador Medialdea na nagpalabas na ng Executive Order No. 47 si Pangulong Rodrigo Duterte para sa pagbuo ng Presidential Transition Committee (PTC).

Ani Medialdea, pangangasiwaan ng PTC ang pagpapatupad ng transition acitivities.

Magisisilbing miyembro ng PTC sina Foreign Affairs Secretary Teodoro Locsin Jr., Finance Secretary Carlos Dominguez III, Budget Undersecretary Tina Rose Marie Canda, at Socioeconomic Planning Secretary and National Economic and Development Authority chief Karl Kendrick Chua.

Sa nasabing AO ng pangulo, inaatasan din ang lahat ng departamento, bureau, at iba pang government instrumentalities na bumuo ng kani-kanilang internal transition committees. (DDC)