100 pamilya sa Sitio Parawagan sa Montalban nakatanggap ng food packs
Isangdaang pamilya ang nakatanggap ng food packs sa isinagawang Tree Planting Activity and Relief Operations sa Sitio Parawagan, Montalban, Rizal.
Ang aktibidad ay pinangunahan ng grupong Paramount Montalban Braves Eagles Club sa pamumuno ng kanilang presidente na si L.A. Cruz at bise presidente na si Luisito Buccat.
Limampung punong Narra ang itinanim ng grupo sa Sitio Parawagan.
Kasabay nito ay namahagi din sila ng food packs sa 100 pamilyang naninirahan sa lugar.
Ang Paramount Montalban Braves Eagles Club ay chapter sa Montalban ng Fraternal Order of Eagles Philippines. (DDC)
