Singil sa toll ng NLEX tataas simula sa May 12

May pagtaas din sa singil sa toll ng North Luzon Expressway (NLEX).

Ayon sa NLEX, tataas ng P2.00 ang singil sa toll para sa open system at P0.34 kada likometro para sa closed system.

Paliwanag ng NLEX, ang toll adjustment ay bahagi ng inaprubahang periodic adjustments na dapat ay noon pang 2016 naipatupad.

Kasama rin sa adjustment ang completion ng SFEX Capacity Expansion Project.

Binuksan ito noong 2020 at nagagamit ng mga motorista ng libre sa loob ng mahigit na isang taon.

Tiniyak ng NLEX na ang toll adjustments ay nakasunod sa regulatory procedures at dumaan sa tamang proseso.

Epektibo May 12, 2022 narito ang bagong toll fees sa NLEX:

CLASS 1
P62 (Open System Balintawak to Marilao)
P299 (End to End Balintawak to Sta. Ines)

CLASS 2
P155 (Open System Balintawak to Marilao)
P748 (End to End Balintawak to Sta. Ines)

CLASS 3
P187 (Open System Balintawak to Marilao)
P897 (End to End Balintawak to Sta. Ines)