Comelec natapos na ang final testing sa mahigit 90,000 na VCMs
Natapos na ang final testing at sealing ng 85 percent na mga vote counting machines (VCMs).
Ayon kay acting Comelec spokesperson John Rex Laundiangco, 90,305 o 85 percent ng mga VCMs anf matagumpay nang naisailalim sa final testing at sealing.
Ang testing at sealing sa nalalabing 15 percent ay isasagawa ngayong araw ng Linggo.
Mayroong kabuuang 106,174 VCMs na gagamitin para sa eleksyon bukas, May 9. (DDC)
