BRP Teresa Magbanua handa nang maglayag
Nagsagawa ng commissioning ceremony ang Department of Transportation (DOTr) at Philippine Coast Guard para sa MRRV-9701 na tinawag na “BRP Teresa Magbanua.”
Pinangunahan ni DOTr Secretary Art Tugade at PCG Commandant, CG Admiral Artemio Abu ang seremonya.
Ang nasabing barko na mayroong maximum speed na 24 knots at endurance na hindi bababa sa 4,000 nautical miles ay malaking tulong para mas mapalakas ang maritime security at safety capabilities ng PCG sa pagpapatrulya maritime borders ng bansa.
Samantala, sa susunod na buwan, darating naman sa bansa ang ikalawang 97-meter multi-role response vessel (MRRV) ng PCG na kikilalaning BRP Melchora Aquino.
Ang nasabing mga barko ay gagamitin din sa pagsasagawa ng humanitarian at disaster response operations tuwing may kalamidad o sakuna. (DDC)
