Task Force Kontra Bigay FB page, inilunsad ng Comelec
Inilunsad na ng Commission on Elections (Comelec) ang kanilang Facebook page na Task force Kontra Bigay.
Ayon kay Task Force Kontra Bigay Head Commissioner Aimee Ferolino, ang nasabing FB page ay maari nang tumanggap ng mga reklamo kaugnay sa vote-buying.
Kung mayroong makitang insidente ng vote buying, maaari itong isumbong sa naturang page at puwede ring magpadala ng e-mail sa kontrabigay@gmail.com.
Sinabi rin ni Ferolino na maaari ring direktang magsumbong sa Local Election Officer, Philippine National Police, o kaya ay sa Legal Assistance Desk ng Integrated Bar of the Philippines kung may mga insidente ng vote buying. (DDC)
